როსტურიზმში ამბობენ, რომ ეს ახალი ნაციონალური ტურისტული მარშრუტი იქნება, "აბსოლუტურად განსაკუთრებული, რომელსაც ანალოგი ნამდვილად არ აქვს".

რატომ არის მნიშვნელოვანი: ეს რუსული პროპაგანდისა და ბელადის დიდების სრულიად ახალი გამოვლინებაა.

  • ამავდროულად, ხაზს უსვამს რუსეთში არსებულ სასოწარკვეთას, რადგან სანქციებისა და შეზღუდვების გამო ადგილობრივებს ტურისტული მარშრუტები შეზღუდული ან გართულებული აქვთ.

დეტალები: როსტურიზმის ხელმძღვანელი ამბობს, რომ მარშრუტს "ციმბირის დღესასწაულები ეწოდება" და კრასნოიარსკის, ხაკასიასა და ტივას ტერიტორიებს აერთიანებს.

  • მისივე თქმით, ტურისტები შეძლებენ, ციმბირში ნახონ სკვითების ოქრო, ტუვაში ბუდიზმის კულტურული სივრცეები და "საინჟინრო სასწაული" საიანო-შუშენსკაიას ჰესი.
  • რუსები მოგზაურობას უკვე ივლისიდან შეძლებენ და ტური დაახლოებით 8 დღე გაგრძელდება.

გარდა ამისა, როსტურიზმმა კიდევ 4 მარშრუტი წარადგინა და განმარტა, რომ დამატებით 24-ზე მუშაობენ.

  • მხოლოდ წელს ამისთვის 1,2 მილიარდი რუბლია გამოყოფილი, შემდეგ უკვე 3,1 მილიარდის დახარჯვა იგეგმება.

სტრიქონებს შორის: საგულისხმოა ისიც, რომ ასეთი მოგზაურობისას გადაღებულ ფოტოებს კრემლის მედია ვლადიმერ პუტინის რეიტინგის გასაზრდელად და იმის საჩვენებლად იყენებდა, რომ მათი ლიდერი "ჯანმრთელია და კარგ ფორმაშია".

  • მოსალოდნელია, ამ მარშრუტზე "ტურისტების სიმრავლე" იმის საჩვენებლად გამოიყენონ, როგორ უჭერს ხალხი მხარს პუტინს და რამდენად მოსწონთ მისი ცხოვრების წესი.