ტყიბულის შახტში მუშა დაშავდა. ამის შესახებ ინფორმაცია თავდაპირველად "ინფო იმერეთმა" გაავრცელა.

ტყიბულის მერის პირველი მოადგილის, ლევან ჩხიკვაძის ცნობით, დაშავებული მუშა საავადმყოფოში გადაიყვანეს — მას მოტეხილობები აქვს. მისივე ცნობით, მუშა ვაგონსა და კედელს შორის მოყვა.

"ვაგონსა და კედელს შორის მოყვა და აქვს მოტეხილობები. შახტში მომუშავე ვაგონებზეა საუბარი... საავადმყოფოში წევს ახლა ამ ეტაპზე, სტაბილურია. მოტეხილობები აქვს და ველოდებით ექიმების პასუხს", — განაცხადა ლევან ჩხიკვაძემ (მის კომენტარს "ტვ პირველი" ავრცელებს).

"ტვ პირველის" ცნობით, შახტში იყო მცირე ხანძარიც.