ინფექციური საავადმყოფოს დირექტორის, თენგიზ ცერცვაძის განცხადებით, მისი გადასაწყვეტი რომ იყოს, 24 დეკემბრიდან შეზღუდვებს სრულად არ მოხსნიდა, თუმცა მათ "შეარბილებდა" და გაამკაცრებდა კონტროლს.

"იდეალური იქნებოდა, რომ შეზღუდვები არ მოხნსილიყო, იმიტომ, რომ ამ გზით წავიდა ინგლისი, რომელსაც ახლა უჭირს; ამ გზით წავიდა გერმანია, ბელგია, ნიდერლანდები, საფრანგეთი, რომლებმაც კი არ მოხსნეს, გაამკაცრეს საშობაოდ. ის ეკონომიკის რეცესია, რაც ლოკდაუნებს თან სდევს, მათთვის უფრო იოლად გადასატანი იქნება, ხოლო ეკონომიკურად სუსტი ქვეყნებისთვის, რთული გადასატანია", — განაცხადა მან.

28 ნოემბრიდან, საკოორდინაციო საბჭოს გადაწყვეტილებით ქვეყანაში შეზღუდვები დაწესდა. იგი შეეხო გადაადგილების, მუნიციპალურ და საქალაქთაშორისო ტრანსპორტს, რესტორნებისა და ფიტნესცენტრების დახურვასა და სხვა. მათ, ასევე, დააანონსეს, რომ 24 დეკემბრიდან 2 იანვრის პერიოდში, ეს შეზღუდვები შემსუბუქდებოდა, თუმცა რა გადაწყვეტილებას მიიღებს საბჭოს, ჯერჯერობით, უცნობია.