შინაგან საქმეთა სამინისტროს განცხადებით, კაცი, რომელიც თბილისში, გლდანში ხელყუმბარის აფეთქებით იმუქრებოდა, ახლობლის სახლში იმყოფებოდა და ასაფეთქებელი მოწყობილობა თან ჰქონდა. სავარაუდო მიზეზად უწყება ოჯახურ კონფლიქტს ასახელებს.

უწყებაში ამბობენ იმასაც, რომ 1991 წელს დაბადებული, სავარაუდოდ, 29 წლის პირი ქურდობისთვის პირობითი მსჯავრის ქვეშ იყო.

საქმეზე გამოძიება საქართველოს სისხლის სამართლის კოდექსის 236-ე და 151-ე მუხლებით მიმდინარეობს, რაც იარაღის უკანონო შეძენა-შენახვა-ტარებასა და მუქარას გულისხმობს. დანაშაული 7 წლამდე ვადით თავისუფლების აღკვეთას ითვალისწინებს.