წნორში ავტოსაგზაო შემთხვევას ერთი ადამიანის სიცოცხლე ემსხვერპლა, ხოლო ორი დაშავდა. არსებული ინფორმაციით, მანქანა გზის სავალი ნაწილიდან გადავიდა, რის შედეგადაც მძღოლი გარდაიცვალა, ხოლო ორი მგზავრი დაშავდა. ისინი საავადმყოფოში არიან გადაყვანილები.

როგორც შინაგან საქმეთა სამინისტროში On.ge-ს უთხრეს, მომხდარზე გამოძიება საქართველოს სისხლის სამართლის კოდექსის 276-ე მუხლის მე-6 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.