ოკუპირებულ ცხინვალში უკანონოდ დაკავებული ზაზა გახელაძის ჯანმრთელობის მდგომარეობის შესახებ ცოლს, ირმა ბუთხუზს ინფორმაცია მიაწოდეს. სახელმწიფო უსაფრთხოების სამსახურის [სუს] საინფორმაციო-ანალიტიკური დეპარტამენტის უფროსის მოადგილის, ირაკლი ანთაძემ გახელაძის ცოლს უთხრა, რომ მისი ქმრის ჯანმრთელობის მდგომარეობა დამაკმაყოფილებელია.

"გვითხრა რომ წინსვლა არის, რაღაც ნაბიჯები აქვთ გადადგმული. ჯანმრთელად და უფრო უკეთესობისკენ აქვს ფეხიო", — ამბობს ბუთხუზი მოამბესთან.

ზაზა გახელაძე მე-6 თვეა ოკუპირებული ცხინვალის ციხეშია.

ირაკლი ანთაძის თქმით, ოკუპირებული ცხინვალის ციხიდან არა მხოლოდ გახელაძის, არამედ უკანონო პატიმრობაში მყოფი ყველა სხვა მოქალაქეების უპირობო გათავისუფლების მოთხოვნაა ძალაში.