რეგულარულ ფრენებზე შეზღუდვა გახანგრძლივდა და 1-ელ თებერვლამდე გადაიდო. ამის შესახებ სამოქალაქო ავიაციის სააგენტომ შესაბამისი ნოტამი გამოსცა.

შეზღუდვა არ ვრცელდება 14 პირდაპირ საერთაშორისო რეისზე. მათ შორის, თბილისსა და შემდეგ აეროპორტებს შორის:

  • მიუნხენი;
  • პარიზი;
  • რიგა;
  • დოჰა;
  • ვარშავა;
  • ათენი;
  • ამსტერდამი;
  • ვენა;
  • ბერლინი;
  • მილანი.

ასევე, ქუთაისსა და შემდეგ აეროპორტებს შორის:

  • რიგა;
  • კატოვიცე;
  • ვილნიუსი;
  • დორტმუნდი.

ორი დღის წინ ეკონომიკისა და მდგრადი განვითარების მინისტრმა, ნათია თურნავამ განცხადა, რომ საერთაშორისო ფრენებზე შეზღუდვების გაუქმება თებერვლიდან იგეგმება.

"დასრულების ფაზაშია ქუთაისის და ბათუმის საერთაშორისო აეროპორტების გაფართოების პროგრამა და ჩვენ ვგეგმავთ, რომ უკვე თებერვლიდან პრაქტიკურად გავაუქმოთ ყველა შეზღუდვა საერთაშორისო ფრენებზე და ეს განახლებული ინფრასტრუქტურა უმასპინძლებს ჩვენს სტუმრებს და ასევე, მოემსახურება საქართველოს მოქალაქეებს", — აღნიშნა ნათია თურნავამ.

ბოლო მონაცემებით, რეგულარულ ფრენებზე შეზღუდვა 31 დეკემბრის ჩათვლით გრძელდებოდა.

კორონავირუსის პანდემიის გამო, უწყებათაშორისი საკოორდინაციო საბჭოს გადაწყვეტილებით, საქართველოში საჰაერო მიმოსვლა სრულად 21 მარტიდან შეწყდა.

გაიგეთ მეტი: