დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა, რომ დღევანდელ, 16 დეკემბრის მაჩვენებელში კორონავირუსით ინფიცირების კლება შეინიშნება სამედიცინო პერსონალში.

"ინფიცირების მაჩვენებლის კლების ტენდენცია გამოჩნდა ჩემს კოლეგებში, ანუ სამედიცინო პერსონალში", — განაცხადა ამირან გამყრელიძემ.

საქართველოში კორონავირუსის გავრცელებიდან დღემდე, დადასტურებული შემთხვევების საერთო რაოდენობა 198 378-ია, მათგან გამოჯანმრთელებულია 167 281 ადამიანი, ხოლო გარდაიცვალა — 1 922.