დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ისინი დაწესებული შეზღუდვების ძალიან მინიმალური შემსუბუქების მომხრე არიან. გამყრელიძის თქმით, 24 დეკემბერს, თუ ყველაფერი გაიხსნება, გაიზრდება კორონავირუსით ინფიცირებულთა მაჩვენებელიც.

"დაავადებათა კონტროლის ეროვნული ცენტრი არ ვუჭერთ მხარს, რომ ქვეყანაში მობილობა სერიოზულად გაიზარდოს. 24 დეკემბერს, თუ ჩვენ ყველაფერს გავხსნით, მობილობა გაიზრდება სერიოზულად. პირდაპირ გეტყვით, რომ გაგვეზრდება და აგვივარდება ისევ ინფიცირების მაჩვენებელი 5-6 000-სა და მეტზე და შესაბამისად, პროცენტი იანგარიშეთ მერე რამდენი ადამიანი მოხვდება ჰოსპიტალში და რამდენის მდგომარეობა შეიძლება დამძიმდეს", — განაცხადა გამყრელიძემ.

16 დეკემბრის მონაცემებით, ბოლო 24 საათში საქართველოში კორონავირუსის ახალი 3 487 შემთხვევა დადასტურდა, 39 ადამიანი გარდაიცვალა, გამოჯანმრთელდა — 2 495.

საქართველოში კორონავირუსის გავრცელებიდან დღემდე, დადასტურებული შემთხვევების საერთო რაოდენობა 198 378-ია, მათგან გამოჯანმრთელებულია 167 281 ადამიანი, ხოლო გარდაიცვალა — 1 922.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: