დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ეკონომიკის მინისტრის, ნათია თურნავას თქმით, პრემიერმინისტრის დავალებით, მას მიმდინარე კვირაში არასასურსათო ვაჭრობის ობიექტების წარმომადგენლებთან ექნება შეხვედრა, სადაც 24 დეკემბრიდან, ვაჭრობის გახსნის შემთხვევაში გასაწევ სამუშაოებს განიხილავენ.

"ვისაუბრებთ მათთან სერიოზულად, თუ რა გარანტიები არსებობს მათი მხრიდან, როგორ უნდა მართონ რიგები, როგორ არ უნდა დაუშვან აჟიოტაჟური მოხმარება იმ პერიოდში და წყალში არ ჩაგვეყარონ ის მონაპოვარი, რაც ჩვენ ამ დღეებში ყველამ ერთად მოვიტანეთ", — განაცხადა თურნავამ.

16 დეკემბრის მონაცემებით, ბოლო 24 საათში საქართველოში კორონავირუსის ახალი 3 487 შემთხვევა დადასტურდა, 39 ადამიანი გარდაიცვალა, გამოჯანმრთელდა — 2 495.

საქართველოში კორონავირუსის გავრცელებიდან დღემდე, დადასტურებული შემთხვევების საერთო რაოდენობა 198 378-ია, მათგან გამოჯანმრთელებულია 167 281 ადამიანი, ხოლო გარდაიცვალა — 1 922.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: