ბოლო 24 საათში საქართველოში კორონავირუსის ახალი 3 487 შემთხვევა დადასტურდა. ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა.

ინფიცირების გადანაწილება რეგიონების მიხედვით ასეთია:

  • თბილისი — 1 477;
  • იმერეთი — 533;
  • შიდა ქართლი —283;
  • აჭარა — 280;
  • სამეგრელო-ზემო სვანეთი — 269;
  • ქვემო ქართლი — 254;
  • კახეთი — 153;
  • მცხეთა-მთიანეთი — 85;
  • სამცხე-ჯავახეთი — 76;
  • გურია — 66;
  • რაჭა-ლეჩხუმი და ქვემო სვანეთი — 11.

ბერდია სიჭინავას ინფორმაციით, ბოლოს 24 საათში ჩატარდა 17 943 ტესტი, მათ შორის, 10 477 ანტიგენზე დამყარებული, ხოლო 7 266 PCR.

"მნიშვნელოვანია, რომ გაზრდილი ტესტირების ფონზე, ნარჩუნდება დადასტურებული შემთხვევების რაოდენობის სტაბილური მაჩვენებელი, მეტიც, ბოლო პერიოდში, დაწესებული შეზღუდვების ფონზე, სახეზეა ინფიცირების გავრცელების შემცირების ტენდენცია", — აღნიშნა სიჭინავამ.

მისივე ინფორმაციით, ბოლო 24 საათში კორონავირუსით 39 ადამიანი გარდაიცვალა, ხოლო გამოჯანმრთელდა — 2 495.

ამ ეტაპზე ინფიცირების მიმდინარე აქტიური შემთხვევა არის 29 158, საიდანაც 6 721 ადამიანი მკურნალობს საავადმყოფოში, ხოლო 19 976 პირი ვირუსის მკურნალობს კურსს გადის საცხოვრებელ ბინაზე. რაც შეეხება მძიმ პაციენტების რაოდენობას, ბერდია სიჭინავა ამბობს, რომ ეს რიცხვი 1 103-ს შეადგენს.

საქართველოში კორონავირუსის გავრცელებიდან დღემდე, დადასტურებული შემთხვევების საერთო რაოდენობა 198 378-ია, მათგან გამოჯანმრთელებულია 167 281 ადამიანი, ხოლო გარდაიცვალა — 1 922.

საკარანტინე სივრცეებში მოთავსებულია 622 ადამიანი, ხოლო თვითიზოლაციაში იმყოფება 47 759 ადამიანი.