შრომის ინსპექციის დეპარტამენტის უფროსის, ბექა ფერაძის თქმით, 28 ნოემბრიდან 13 დეკემბრის საანგარიშო პერიოდში, საზედამხედველო უწყებების მონიტორინგის შედეგად ინსპექტირება განხორციელდა 36 000-ზე მეტ ობიექტზე, აქედან კი საქმიანობა შეუჩერდა 6 018 ობიექტს.

"12-13 დეკემბერს სულ ზედამხედველობა განხორციელდა 382 ობიექტზე, რომელთაგან 268 შემთხვევაში განხორციელდა ზეპირსიტყვიერი და წერილობითი გაფრთხილება, 72 ობიექტის შემთხვევაში განხორციელდა მისი დეტალური შესწავლა ჯანდაცვის სამინისტროს მიერ დადგენილი პროტოკოლის მიხედვით და დადგინდა, რომ შესაბამისობაშია მათ მოთხოვნებთან. რაც შეეხება რემონიტორინგის შედეგებს, განხორციელდა 42 ობიექტის შემოწმება და დადგინდა, რომ 32 ობიექტი ითვალისწინებდა პროტოკოლით განსაზღვრულ მოთხოვნებს, 7 ობიექტი არ ახორციელებდა საქმიანობას, 3 ობიექტი კი დაჯარიმდა. ჯამში, 28 ნოემბრიდან 13 დეკემბრის საანგარიშო პერიოდში, საზედამხედველო უწყებების მონიტორინგის შედეგად ინსპექტირება განხორციელდა 36 000-ზე მეტ ობიექტზე. ზეპირი და წერილობითი გაფრთხილება გაიცა 20 798 ობიექტზე, საქმიანობა შეუშერდა 6 018 ობიექტს, რეკომენდაციების შესრულებაზე შემოწმდა 467 ობიექტი და დაჯარიმდა 27 ობიექტი", — განაცხადა ფერაძემ.

კორონავირუსის შედეგად გამოწვეული მძიმე ეპიდემიოლოგიური სიტუაციის გამო, საკოორდინაციო საბჭომ დააწესა გარკვეული შეზღუდვები, რომელიც ეხება HoReCa ბიზნესს, სავაჭრო ცენტრებს, საბითუმო ვაჭრობას და სხვა არაერთ სფეროს.