შინაგან საქმეთა სამინისტროს განცხადებით, დაილუქა ხმის ჩამწერი სტუდიის სახელით შენიღბული კლუბი, რომელიც ნოემბერში ორჯერ 10 ათასი ლარით დააჯარიმეს. უწყებაში აცხადებენ, საუბარია თბილისში, მტკვრის მარჯვენა სანაპიროზე, გალაკტიონის ხიდის ქვეშ მდებარე, ხმის ჩამწერ სტუდია ინ და ჰაუსზე.

როგორც სამინისტროს მიერ გავრცელებულ განცხადებაშია აღნიშნული, ჯარიმის გადახდისაგან თავის არიდებისთვის, კომპანიამ რამდენჯერმე შეიცვალა სახელი და ღამის კლუბმა კვლავ განაგრძო მუშაობა. უწყებაში ამტკიცებენ, რომ ინ და ჰაუსი აკრძალულ ეკონომიკურ საქმიანობას ეწეოდა, კერძოდ, ფუნქციონირებდა ღამის კლუბი და ბარი, სადაც მოქალაქეები 21:00 საათის შემდეგაც იმყოფებოდნენ.

საქმეზე გამოძიება სისხლის სამართლის კოდექსის 248-ე პრიმა მუხლით, რაც იზოლაციის და კარანტინის წესის განმეორებით დარღვევას გულისხმობს. გამოძიების ფარგლებში, სამართალდამცველებმა ინ და ჰაუსში მოსამართლის განჩინების საფუძველზე ჩხრეკა ჩაატარეს და ობიექტი დალუქეს.