11 დეკემბერს, მთის საერთაშორისო დღეს, ეროვნული ბიბლიოთეკის მოძრაობა ეკვილიბრიუმი დუშეთს ეწვია და საქართველოში ორმოცდამეათე სკვერის ბიბლიოთეკა გახსნა. მოძრაობამ სოფელ ჟინვალშიც 300 წიგნი ჩაიტანა. მთელი საქართველოს მასშტაბით კი 1 300 ბიბლიოთეკაა განახლებული.

ფოტო: პარლამენტის ეროვნული ბიბლიოთეკა

ფოტო: პარლამენტის ეროვნული ბიბლიოთეკა

ფოტო: პარლამენტის ეროვნული ბიბლიოთეკა

"მნიშვნელოვანი საქმეების პარასკევი გამოდგა, თანაც სიმბოლურის. 11 დეკემბერი მთის საერთაშორისო დღეა. ჩვენ დუშეთში ავედით და ეს ლამაზი სკვერის ბიბლიოთეკა მოვაწყვეთ. უკვე ორმოცდამეათე საქართველოში. დუშეთიდან სოფელ ჟინვალში გავემართეთ და 300 წიგნი ჩავიტანეთ. აქ შეგვიძლია დიდი სიამაყოთ ვთქვათ რიცხვი — 1300 — რვა წლის მანძილზე სწორედ ამდენ სოფელს ეწვია ჩვენი მოძრაობა. და კიდევ ერთი სიმბოლური თარიღი — ორი წელია, რაც ეროვნული ბიბლიოთეკა, ჩვენი მოძრაობა #ეკვილიბრიუმი და კომპანია #გალფი დამეგობრდნენ. ეს მეგობრობა სოციალური პასუხიმგებლობის საოცარი მაგალითია — გარდა იმისა, რომ წიგნების ტრანსპორტირებაში გვეხმარება, ათი სკოლის პირველკლასელები სასკოლო ინვენტარით სწორედ მათი დახმარებით ავღჭურვეთ. წინ დიდი გეგმებია, რომელიც, ცხადია, რომ წიგნსა და განათლებას უკავშირდება", — ამბობს ეროვნული ბიბლიოთეკის დირექტორი გიორგი კეკელიძე.