პირველი საუნივერსიტეტო კლინიკის დირექტორის, ლევან რატიანის განცხადებით, კორონავირუსმა გადაფარა ყველა სხვა დაავადებები, თითქოს, არ არსებობდეს.

"რატომღაც ჩვენს ქვეყანაში წავიდა "კოვიდიზაცია". ყველამ დაივიწყა, სხვა სომატური დაავადებები, თითქოს არ არსებობს. ესენია გულ-სისხლძარღვთა დაავადებები, სიმსივნური პათოლოგია და უამრავი რამ, რაც მანამდე გვქონდა. ამ პაციენტებსაც უნდა დავუთმოთ ყურადღება. ცოდოები არიან იმიტომ, რომ თუ არ მოვუარეთ ამ პაციენტებს, მათი ინფიცირების შემთხვევაში, შესაძლოა, გამოვლინდეს ცუდი გამოსავალი", — განაცხადა ლევან რატიანმა.

6 დეკემბრის მონაცემებით, საქართველოში კორონავირუსის 4 321 ახალი შემთხვევა გამოვლინდა. გარდაიცვალა კიდევ 42 ადამიანი, ხოლო გამოჯანმრთელდა — 4 301.

პანდემიის გავრცელებიდან დღემდე საქართველოში კორონავირუსის 162 475 შემთხვევა დადასტურდა, მათგან გამოჯანმრთელდა 133 511, ხოლო გარდაიცვალა 1 504 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: