აღდგომას ესპანეთის კუნძულ მალიორკაზე გამართულ ღონისძიებაზე დაუგეგმავმა დეტალებმა მიიპყრო მედიის ყურადღება, როდესაც ოპერატორებმა სამეფო ოჯახის წევრებს შორის არსებული დაძაბულობა დააფიქსირეს.

ვიდეოში ჩანს, რომ ესპანეთის დედოფალი ლეტიცია, მის დედამთილსა დედოფალ სოფიას სურათების გადაღებაში ხელს უშლის, შემდეგ კი მისი შვილის მხრიდან მის ხელს აშორებს.

ისინი ერთმანეთს რამდენიმე სიტყვას ეუბნებიან და შემდეგ ჩანს, რომ მათ ლეტიციას ქმარი, მეფე ფილიპი უახლოვდება.

ფილიპის მამა, 90 წლის ხუანი სიტუაციას არც ისე ბედნიერი სახით შეჰყურებს.

ესპანეთის მედიამ სიტუაციას დაძაბული უწოდა, ვენიტი ფეარის ესპანური გამომცემლობის ჟურნალისტმა კი ტვიტერზე დაწერა, რომ ესპანელი ხალხი ლეტიციას საქციელით უკმაყოფილო იყო.

"ჩემი აზრით, ესპანელი ხალხი ამ სიტუაციამ გააბრაზა. დედა დედოფალი ასეთ მოპყრობას არ იმსახურებს".

ინციდენტს ასევე გამოეხმაურა საბერძნეთის პრინცესა მარია შანტალი, რომელიც ესპანეთის მეფე ფილიპის ბიძაშვილზეა დაქორწინებული და თქვა, რომ ძალიან გაბრაზებული იყო.

"არცერთი ბებია იმსახურებს ასეთ მოპყრობას. მან [ლეტიციამ] თავისი ნამდვილი სახე აჩვენა".