ფინანსთა მინისტრის მოადგილე გიორგი კაკაურიძე განმარტავს, ხელფასის რამდენლარიან მატებას უნდა ელოდონ მასწავლებლები. მან ამის შესახებ პარლამენტის ჯანდაცვის კომიტეტში 2027 წლის ბიუჯეტის პროექტის განხილვისას ისაუბრა.

მისი თქმით, საათობრივად 2-ლარიანი მატების შედეგად, საშუალოდ მასწავლებლის ხელფასი 160 ლარით იზრდება.

"მოვისმინე ერთ-ერთი ინტერვიუ, სადაც 50 ლარი გამოყვანეს თვეში [ზრდა], თუ კვირაში მასწავლებელი ატარებს 25 საათს, თვეში 50 ლარი როგორ გამოყვანეს, არ ვიცი. საშუალოდ კვირაში დაახლოებით 15-18 საათი ითვლება, რომ სრული დატვირთვით მუშაობს მასწავლებელი. 18-საათიანის შემთხვევაში დაახლოებით 160 ლარი გამოდის ხელფასის მატება. ამას ემატება ზოგს განათლების დანამატი და სხვა დანამატები", — განაცხადა გიორგი კაკაურიძემ.

ცნობისთვის, რამდენიმე დღის წინ კაკაურიძემ განაცხადა, საჯარო სექტორში ანაზღაურება საშუალოდ 8.4%-ით იზრდება, თუმცა, პედაგოგების შემთხვევაში ზრდა მათ საათობრივ დატვირთვაზე იქნება დამოკიდებული. გარდა ამისა, მოსალოდნელია ცვლილებები სტატუსის დანამატებსა და დამრიგებლის ანაზღაურებაზეც.

გიორგი კაკაურიძე: მასწავლებლის ხელფასი საათზე დაახლოებით 2 ლარით მოიმატებს