"სვეტიცხოვლობა-მცხეთობა 2026"-ის ღონისძიების ფარგლებში 35 000 ლარი ბიუჯეტიდან მომღერლების მომსახურების შესყიდვისთვის დაიხარჯება.

აღნიშნული მომსახურების მისაღებად მცხეთის მუნიციპალიტეტის კულტურისა და განათლების მულტიფუნქციურმა ცენტრმა შესაბამისი გამარტივებული შესყიდვები გამოაცხადა.

კერძოდ, ერთ-ერთი შესყიდვით, 5000 ლარი დაჯდება მცხეთობისადმი მიძღვნილ კონცერტზე მომღერალ თამარ მილანოვას, იგივე თაკო გაჩეჩილაძის საკონცერტო შესრულება.

მეორე გამარტივებული შესყიდვის ფარგლებში კი, მუსიკალური ჯგუფების: REGGAEON-ისა და “სტატუსის” საკონცერტო შესრულების მომსახურების შესყიდვა 30 000 ლარად იგეგმება.

კერძოდ, ჯგუფ REGGAEON-ს 20 000 ლარს, ხოლო ჯგუფ “სტატუსს” ­­ — 10 000 ლარს გადაუხდიან.

აღსანიშნავია რომ მცხეთის მუნიციპალიტეტმა 14 ოქტომბერს, მცხეთობისადმი მიძღვნილი ღონისძიებების ორგანიზებისთვის 320 001 ლარის ღირებულების ხელშეკრულება ამხანაგობა “სთორი N1”-ს გაუფორმა. კომპანიამ 13 ოქტომბრამდე უნდა განხორციელდეს ყველა წინასადღესასწაულო მომსახურება. ხოლო არაუგვიანეს 15 ოქტომბრისა უნდა განხორციელდეს დემონტაჟი.

ხელშეკრულების ფარგლებში, კომპანია ვალდებულია მცხეთაში მოაწყოს ფოტო ზონა, შესასვლელი თაღი, მცხეთის მუნიციპალიტეტის ღირსშესანიშნაობების საგამოფენო სივრცე, ილია ჭავჭავაძის სახლმუზეუმის იმიტაცია, ღვინისა და გასტრონომიის სოფელი, უზრუნველყოს ქუჩის თეატრის მსვლელობა, დისნეის გმირების პროგრამა და პურის ცხობის, ჩურჩხელის ამოვლების, ღვინის დაწურვის მასტერკლასები