ეკონომიკისა და მდგრადი განვითარების მინისტრი მარიამ ქვრივიშვილი ვიცეპრემიერი გახდა. ამის შესახებ მთავრობის სხდომაზე პრემიერმა ირაკლი კობახიძემ განაცხადა.

"მარიამ ქვრივიშვილს დაეკისრება საქართველოს ვიცეპრემიერის მოვალეობა. რაც მას დაეხმარება მომავალში კიდევ უფრო წარმატებულ საქმიანობასა და ეკონომიკის დარგის კიდევ უფრო მეტად გაძლიერებაში. ვულოცავ ქალბატონ მარიამს და წარმატებებს ვუსურვებ", — განაცხადა ირაკლი კობახიძემ.

მარიამ ქვრივიშვილი საქართველოს ეკონომიკისა და მდგრადი განვითარების მინისტრი 2025 წლის 24 ივნისს გახდა. ამ თანამდებობაზე მან ლევან დავითაშვილი შეცვალა.

მანამდე — 2024 წლის 30 ნოემბრიდან 2025 წლის 24 ივნისამდე ის ეკონომიკის მინისტრის მოადგილე იყო.