რუსთავში ახალი პენიტენციური დაწესებულება გაიხსნება. ამის შესახებ ინფორმაციას IPN ავრცელებს. როგორც იუსტიციის სამინისტროში აცხადებენ, სასჯელაღსრულების დაწესებულება მსჯავრდებულებს 2027 წლის დასაწყისში მიიღებს და ის 150 პატიმარზე იქნება გათვლილი.

"რუსთავში უახლოეს თვეებში გაიხსნება ახალი პენიტენციური დაწესებულება, რომლის მშენებლობაც პრაქტიკულად, უკვე დასრულებულია. გამომდინარე იქიდან, რომ ახალი დაწესებულებისთვის აუცილებელია შესაბამისი საკადრო რესურსი, მომავალი წლის ბიუჯეტში გათვალისწინებული იქნება შესაბამისი საშტატო ნუსხა. შესაბამისად, მომავალი, 2027 წლის დასაწყისში ახალი დაწესებულება უკვე მზად იქნება მსჯავრდებულთა მისაღებად", — აცხადებენ იუსტიციის სამინისტროში.