შხაპს ყველაზე ხშირად 35-44 წლის ასაკის ადამიანები იღებენ, ყველაზე იშვიათად კი - 65 წლის და უფრო ასაკოვანი რესპონდენტები. ამის შესახებ IPM-ის ჩატარებულ კვლევაშია ნათქვამი.

ფოტო: IPM

კვლევის ფარგლებში, 500 რესპონდენტი გამოიკითხა. აღმოჩნდა, რომ რესპონდენტების უმეტესობა (41 პროცენტი) შხაპს კვირაში 2-3- ჯერ იღებს. გამოკითხულთა 27,6 პროცენტული ყოველდღე იღებს შხაპს, ხოლო 6,6 პროცენტი კვირის განმავლობაში - ერთხელ.

კვლევაში ნათქვამია, რომ ქალები, დაახლოებით, სამი წუთით მეტ დროს უთმობენ შხაპის მიღებას, ვიდრე კაცები. ერთ ჯერზე ადამიანი, საშუალოდ, 22 წუთამდე დროს ატარებს შხაპის ქვეშ. შესაბამისად, წლის განმავლობაში ამ აქტივობაზე დახარჯული დრო სამ დღეს აღწევს.

ფოტო: IPM

საბოლოო ანგარიშით, ზრდასრული ასაკიდან მოყოლებული, 64 წლის ადამიანს, საშუალოდ, 112 დღე შხაპის ქვეშ აქვს გატარებული. 2006 წელს განხორციელებული მსგავსი გამოკითხვის შედეგებთან ამ მონაცემის შედარებამ აჩვენა, რომ ეს დრო 18 დღით გაზრდილია 2006 წლის მონაცემებთან შედარებით.

ფოტო: IPM