ლეგენდარული ამერიკელი მსახიობის, მერილინ მონროს გარდაცვალებიდან თითქმის წლის შემდეგ ჰოლივუდში მასზე ფილმს გადაიღებენ.

ფილმში მონროს ციფრული ორეული ითამაშებს, რომლის გამოსახულებასაც მერილინის დიდი ფანის, 41 წლის სიუზი კენედის წყალობით შეიქმნა.

როგორც ცნობილია, სიუზის თითქმის 10 ათასზე მეტი ფოტო 200-მდე კამერით გადაუღეს და მისი სხეულის ყველა ფორმა დააფიქსირეს.

ძალიან იშვიათად მოიძებნება ადამიანი, რომელსაც ყველა დროის ერთ-ერთი ყველაზე პოპულარული მსახიობი და ეპიქის სახედ აღიარებული სექსსიმბოლო, მერილინ მონრო არ უყვარდეს.

თუმცა, იყო დრო, როდესაც მონრო ქუჩებში დადიოდა და მას ვერ ცნობდნენ, ან ფოტოებს უღებდნენ და არ აქვეყნებდნენ.

1946 წელს, 20 წლის მსახიობმა 20th Century Fox-თან კონტრაქტი დადო, თუმცა 6 თვის შემდეგ, მასთან ურთიერთობის გაგრძელება პროდიუსერებს არ სურდათ.

ამ წლების განმავლობაში, მონრო სამსახიობო კლასებს გადიოდა, მოდელად მუშაობდა და ცდილობდა, გავლენიანი საზოგადოების წრეში თავი დაემკვიდრებინა.

ის ჯერ კიდევ არ იყო ცნობილი, როდესაც LIFE-ის ფოტოგრაფს, ედ კლარკს, ფოტოსესიაზე დასთანხმდა. რა თქმა უნდა, მაშინ მონროს ფოტოები LIFE-ში არ დაბეჭდილა, თუმცა 3 წლის შემდეგ, ქერა ლამაზმანი, თავის პარტნიორ მსახიობთან, ჯეინ რასელთან, ერთად, ჟურნალის გარეკანზე გამოჩნდა.

ამის შემდეგ, მონრო კიდევ 5-ჯერ მოხვდა LIFE-ის გარეკანზე.

დროთა განმავლობაში, მერილინი ჰოლივუდის, სიმბოლოდ, მშვენიერებისა და მოდის იდეალად ჩამოყალიბდა, თუმცა, თუ მის ცხოვრებას გადავხედავთ, მივხვდებით, რომ პოპულარობის მიღმა, ჩვეულებრივი ტრაგიკული ქალი იმალებოდა.

1962 წლის ხუთ აგვისტოს, მონრო საკუთარ სახლში გარდაცვლილი იპოვეს, მისი სიკვდილი დღემდე საიდუმლოებით არის მოცული, ბევრი ვერსიის თანახმად ის მოკლეს, ბევრსაც კი სჯერა, რომ მსახიობმა ხანგრძლივი დეპრესიის შემდეგ თავი მოიკლა.