თაიმი 90-წლიან ტრადიციას განაგრძობს. ჟურნალმა უკვე აარჩია 2017 წლის ადამიანები - ის ქალები და კაცები, ვინც სიჩუმე დაარღვიეს და სექსუალური შევიწროების ფაქტები გაასაჯაროეს.

ჟურნალის მთავარმა რედაქტორმა, ედვარდ ფელსენთალმა, NBC-სთან საუბრისას აღნიშნა, რომ ჟურნალის ყდა ქალებს მიუძღვნა, რომელთა ქმედებმაც სამყარო შოკში ჩააგდო.

ყდაზე არიან მსახიობი ეშლი ჯადი, მომღერალი ტეილორ სვიფტი, უბერის ყოფილი ინჟინერი სიუზან ფოულერი, ვიზების ლობისტი ადამა ლუ, მექსიკაში აგრიკულტურის სფეროში მოღვაწე იზაბელ პასკუალი და კიდევ ერთი ქალი, რომლის სახეც ჩვენთვის უცნობია.

TIME-ის 2017 წლის ადამიანები

ფოტო: TIME

ყდაზე მეექვსე ქალის სახის დაფარვით, ჟურნალი გულისხმობს იმას, რომ უამრავი ქალი ანონიმურად საუბრობს სექსუალური შევიწროების გამოცდილებაზე, თუმცა თაიმისთვის წლის ადამიანის ტიტულს ისინიც იმსახურებენ.