პრემიერმინისტრი ირაკლი კობახიძე შტატების მხრიდან რუსულ დიზელზე შეზღუდვების მოხსნას გამოეხმაურა. მისი თქმით ამ ნაბიჯის შემდეგ გამოჩნდა, რომ რაციონალური და პრაგმატული, სწორი, უალტერნატივო გადაწყვეტილება მიიღეს, როდესაც რუსეთის მიმართ დაწესებულ სანქციებს არ შეუერთდნენ.

"ჩვენ, თავის დროზე, გახსოვთ, როდესაც არ შევუერთდით სანქციებს რუსეთის მიმართ, რამხელა კამპანია მოჰყვა ამ ყველაფერს. ამ ფონზე ვხედავთ, რომ სანქციების შემსუბუქება მიმდინარეობს. კიდევ ერთხელ გამოჩნდა, რომ ჩვენ აბსოლუტურად რაციონალური და პრაგმატული, სწორი, უალტერნატივო გადაწყვეტილება მივიღეთ თავის დროზე, როდესაც არ შევუერთდით სანქციებს რუსეთის მიმართ," — თქვა კობახიძემ.

ცნობისთვის, ტრამპის განცხადებით, პუტინი დათანხმდა პირობას, რომ "ამერიკულ და გლობალურ ბაზარზე" დაუყოვნებლივ გათავისუფლდეს 300 000 ტონა დიზელი, რასაც ნოემბერში 500 000 ტონა, ხოლო შემდეგ კიდევ ერთი მილიონი ტონა მოჰყვება.

შეთანხმების ფარგლებში, აშშ-ის სახაზინო დეპარტამენტი რუსული დიზელის ექსპორტზე სანქციებს 7 აპრილამდე აჩერებს, თუმცა ამერიკულ ბანკებში არსებული სხვა აქტივები კვლავ გაყინულია.