FX-ის სერიალში American Crime Story, ახალი სეზონის თემა ჯანი ვერსაჩეს მკვლელობას ეხება, რომელშიც დონატელა ვერსაჩეს როლს ოსკაროსანი მსახიობი პენელოპე კრუზი შეასრულებს, მან ამ როლზე ლედი გაგა ჩაანაცვლა.

სერიალში თამაშობს მომღერალი რიკი მარტინიც, რომელიც დიზაინერის შეყვარებულის, ანტონიო დამიკოს, როლს შეასრულებს.

რაც შეეხება ჯანი ვერსაჩეს, მის როლს როლს მსახიობი - ედგარ რამირესი, ხოლო მისი მკვლელის, ენდრიუ კუნინის როლს, დარენ კრისი შეასრულებს.

წარმოგიდგენთ სერიალის პირველ ტრეილერს:

1997 წლის 15 ივლისს ჯანი ვერსაჩე პრესის საყიდლად გავიდა, სახლში დაბრუნებისას კი მას თავს ენდრიუ კუნინი დაესხა და მოკლა, თავად ენდრიუმ კი იმავე იარაღით მოიკლა თავი.

მკვლელობის ნამდვილი მიზეზი დღემდე დაუდგენელია, თუმცა ვარაუდობენ რომ მკვლელობა კალაბრიის მაფიოზურმა ორგანიზაციამ შეუკვეთა, რომელმაც ძალიან ბევრი ფული იშოვა ვერსაჩეს ბრენდის ყალბი სამკაულების დამზადებით. მკვლელობამდე ცოტა ხნით ადრე ჯანიმ სერიოზული ომი გამოუცხადა ამ კრიმინალურ ორგანიზაციას.

ტრაგიკული ამბის შემდეგ სამოდელო სახლს სათავეში დონატელა ვერსაჩე ჩაუდგა და მოახერხა, რომ ბრენდის წარმატება შეენარჩუნებინა.

როგორც ტიზერიდან ვიგებთ, შოუს პრემიერა 2018 წელს შედგება.