"ფასების საპარლამენტო კომისია" 2 თებერვლიდან დაიწყებს მუშობას, 14 წევრისგან იქნება დაკომპლექტებული და მას ეკონომიკური პოლიტიკის კომიტეტის თავმჯდომარე შოთა ბერეკაშვილი უხელმძღვანელებს. ამის შესახებ ოცნების პარლამენტის თავმჯდომარემ შალვა პაპუაშვილმა პარლამენტის ბიუროს სხდომაზე განაცხადა.

მისი განმარტებით, დადგენილების პროექტი ორშაბათის ბიუროს სხდომაზე დარეგისტრირდება და შემდეგ საპროცედურო საკითხთა კომიტეტი კომისიაში წევრთა კვოტებს განსაზღვრავს.
კომისია 14 კაცისგან იქნება დაკომპლექტებული. კვოტები შემდეგნაირად განაწილდება: 7 წევრი ქართული ოცნებიდან, 3 წევრი ხალხის ძალიდან, 3 წევრი ფრაქციისთვის საქართველოსთვის და ერთი წევრი ევროპელი სოციალისტებისთვის.

"ინიციატივა მოდის ფრაქცია ქართული ოცნების მხრიდან. იმისთვის, რომ ყველა პოლიტიკური ჯგუფი მომზადებული იყოს სამუშაოდ. გაცნობებთ, რომ დადგენილების მიღების შემდეგ საპროცედურო კომიტეტი განსაზღვრავს შემადგენლობის რაოდენობას და აქედან გამომდინარე გამოთვლის კვოტებს თითოეული ფრაქციისთვის და ჯგუფისთვის.

ფრაქცია ქართული ოცნების ინიციატივაა, რომ კომისია 14 კაცისგან შედგებოდეს და თუ საპროცედურო კომიტეტი ამ ინიციატივას გაიზიარებს, კვოტები შემდეგნაირად განაწილდება: უმრავლესობას კომისიაში არ უნდა ჰყავდეს უმრავლესობა და გამოვა 7 წევრი ქართული ოცნებისთვის, 3 წევრი ხალხის ძალისთვის, 3 წევრი ფრაქცია საქართველოსთვის და ერთი წევრი ევროსოციალისტებისთვის. გთხოვთ, წინასწარ მოემზადოთ, ვისაც წინასწარ სურს მონაწილეობა მიიღოს კომისიის მუშაობაში წარმოადგინოთ კანდიდატები.

მომავალი კვირის სამშაბათ-ოთხშაბათი კომისიის ჩამოყალიბებას დაეთმობა. იმედი მაქვს, ოთხშაბათ-ხუთშაბათიდან კომისია სრულფასოვნად მუშაობას დაიწყებს. ინიციატივების ავტორების მხრიდან კომისიის მუშაობის 3-თვიანი ვადაა წარმოდგენილი, აქედან გამომდინარე დროებით კომისიას ინტენსიური მუშაობის შესაძლებლობა ექნება", — განაცხადა შალვა პაპუაშვილმა.