ბრიტანელი პარლმენტარი ჯო კოქსი თავდამსხმელის მიერ ცეცხლსასროლი იარაღით და დანით მიყენებული ჭრილობების შედეგად გარდაიცვალა. ინფორმაციას BBC ავრცელებს.

41 წლის პარლამენტარი ლეიბორისტური პარტიის წევრი იყო. მას თავდამსხმელმა რამდენიმე ჭრილობა მიაყენა. დაშავებულია 77 წლის მამაკაციც.

შემთხვევიდან ცოტა ხნის შემდეგ პოლიციამ 52 წლის მამაკაცი დააკავა.

ჯო კოქსი ბათლეის ამომრჩეველმა 2015 წელს აირჩია. მას მეუღლე და ორი შვილი ჰყავდა.