მოლდოვის პრეზიდენტმა, მაია სანდუმ ხელი მოაწერა კანონს, რომლის თანახმადაც ქვეყანაში რუსული საინფორმაციო პროგრამის მაუწყებლობა იკრძალება. ინფორმაციას უკრაინული მედია ადგილობრივ გამოცემებზე დაყრდნობით ავრცელებს.

რატომ არის მნიშვნელოვანი: რუსული საინფორმაციო გადაცემები კრემლის პროპაგანდისა და დეზინფორმაციის მთავარი გამავრცელებლები არიან.

  • მათი სამიზნე განსაკუთრებით ის ქვეყნებია, სადაც რუსეთს სტრატეგიული ინტერესები აქვს.

დეტალები: ახალი გადაწყვეტილების შესახებ ტელევიზიისა და რადიოს საბჭოს ხელმძღვანელმა, ლილიანა ვიცუმ ისაუბრა და აღნიშნა, რომ კანონი ძალაში 24 ივნისიდან შევა.

  • "თუ დეზინფორმაცია დადასტურდება, კომპანიებს ლიცენზია 7 წლით ჩამოერთმევათ", — განაცხადა მან.

სტრიქონებს შორის: მას შემდეგ, რაც მოლდოვამ უკრაინასთან ერთად ევროკავშირის კანდიდატის სტატუსთან დაკავშირებით კომისიის დადებითი რეკომენდაცია მიიღო, მოსალოდნელია, რომ ანტიდასავლური რუსული პროპაგანდა უფრო გააქტიურდება.