დიდი ბრიტანეთის სანქციები უკრაინაში პუტინის ომის მხარდაჭერის გამო, ამჯერად რუსეთის პატრიარქს კირილსაც შეეხო. განცხადება ქვეყნის საგარეო უწყებამ გაავრცელა.

რატომ არის მნიშვნელოვანი: კირილი პუტინთან დაახლოებული პირი და მისი პოლიტიკის გამტარებელია. ის უკრაინაზე თავდასხმასაც ამართლებს.

  • პუტინის გაუმართლებელ ომს უკრაინაში მსოფლიო სანქციებით უპირისპირდება და ასე ცდილობს ოკუპანტ ქვეყანაზე ზეწოლას.

დეტალები: სანქცირებულთა სიაშია რუსეთში ბავშვთა უფლებების კომისარი უკრაინელი ბავშვების "იძულებით გადაყვანისა და გაშვილებისთვის".

  • "ჩვენ მიზანში ვიღებთ ყველას, ვინც პუტინის ომს მხარს უჭერს, რამაც უკრაინას უამრავი ტანჯვა მოუტანა", — აცხადებს დიდი ბრიტანეთის საგარეო საქმეთა მინისტრი, ლიზ ტრასი.

მანამდე, 2 ივნისს ევროკავშირის წევრი ქვეყნების ელჩებმა რუსეთის წინააღმდეგ სანქციების მე-6 პაკეტი მიიღეს, თუმცა კირილი სიიდან უნგრეთის წინააღმდეგობის გამო ამოიღეს.