შეთანხმება ისრაელიდან ეგვიპტეში ბუნებრივი აირის ექსპორტს მნიშვნელოვნად გაზრდის. ეგვიპტიდან კი გაზი ევროპის ქვეყნებს მიეწოდება.

რატომ არის მნიშვნელოვანი: ევროკავშირი გეგმავს, რუსულ გაზზე დამოკიდებულება მაქსიმალურად შეამციროს.

  • მარტში ევროკავშირმა პირობა დადო, რომ მომავალ წლამდე რუსული გაზის მოხმარებას 2/3-ით შეამცირებდა.
  • ევროკავშირის მიერ რუსეთიდან იმპორტირებული გაზის საერთო ხვედრითი წილი 40%-ია. თუმცა, ევროპის ქვეყნებს შორის რუსულ გაზზე დამოკიდებულების მაჩვენებლები განსხვავებულია.
  • ევროკავშირის ოფიციალური პირები ამბობენ, რომ ბლოკის დამოკიდებულება რუსულ გაზზე მოსკოვს საშუალებას აძლევს ის შანტაჟისთვის გამოიყენოს.

დეტალები: ევროკომისიის პრეზიდენტი ურსულა ფონ დერ ლაიენი ამბობს, რომ ეს არის წინგადადგმული ნაბიჯია ევროპისთვის ენერგომომარაგებაში. ასევე იმისთვის რომ ეგვიპტე გახდეს რეგიონალური ენერგეტიკული ცენტრი.

  • ისრაელს გაზის მარაგი მინიმუმ ტრილიონი კუბური მეტრია.
  • განიხილება ევროპისკენ გაზის მიწოდების ორი მარშრუტი — ეგვიპტის მარშრუტი ერთი ვარიანტია, ხოლო დაგეგმილი მილსადენი თურქეთის გავლით მეორე ვარიანტია.

არქივიდან: რუსეთმა "არამეგობრული" ქვეყნებისგან ენერგორესურსების საფასურის რუბლში გადახდა მოითხოვა — უარის გამო კი, ფინეთს, ბულგარეთსა და პოლონეთს გაზის მიწოდება შეუწყვიტა.

  • საპასუხოდ პოლონეთი და ბულგარეთი სამართლებრივ ნაბიჯებს განიხილავენ.
  • გერმანიამ თხევადი ბუნებრივი აირის (LNG) პირველი მცურავი ტერმინალის სამშენებლო სამუშაოები დაიწყო.
  • ევროკავშირმა უკვე მიიღო სანქციების მე-6 პაკეტი, რომელიც რუსულ ნავთობს ნაწილობრივ შეეხო.