უკრაინის პროკურატურამ დაშავებული და დაღუპული ბავშვების შესახებ ინფორმაცია განაახლა. თუმცა მონაცემები საბოლოო არ არის, რადგან დაბომბვის ადგილების შემოწმება აქტიური საომარი მოქმედებების ზონებში და დროებით ოკუპირებულ ტერიტორიებზე ვერ ხერხდება.

რატომ არის მნიშვნელოვანი: პუტინის გაუმართლებელ ომს, რომელიც თითქოსდა დემილიტარიზაციას ემსახურება, მშვიდობიანი მოქალაქეები, მათ შორის, ბავშვებიც ეწირებიან.

  • რუსებმა არაერთხელ დაბომბეს დასახლებები, ევაკუაციის სივრცეები და თავშესაფრები, წარწერით "ბავშვები".
  • ეს კიდევ ერთხელ უსვამს ხაზს ოკუპანტების სისასტიკეს და იმას, რომ პუტინი საკუთარი მიზნების მისაღწევად არაფერს ერიდება.

რიცხვებში: ომის დაწყებიდან დღემდე 313 ბავშვი დაიღუპა, 892-ზე მეტი ბავშვი დაშავდა, მათ შორის:

  • დონეცკის ოლქში — 291;
  • ხარკოვის ოლქში — 169;
  • კიევის ოლქში — 116;
  • ჩერნიგოვის ოლქში — 59.

დეტალები: უწყება აღწერს ბავშვების დაღუპვისა და დაშავების რამდენიმე შემთხვევას.

  • "მარიუპოლის დაბომბვისას საკრებულოს ერთ-ერთი განყოფილების უფროსის მთელი ოჯახი, მათ შორის, 13 და 15 წლის ბავშვები დაიღუპნენ".
  • "3 ივნისს ოკუპანტების მიერ სარაკეტო სისტემიდან რავალჯერადი სროლის შედეგად ხარკოვის ოლქში 3 თვის, 11 და 17 წლის სამი ბავშვები დაშავდნენ".

გაეროს განცხადებით, ომი დამანგრეველ გავლენას ახდენს უკრაინის 7,5 მილიონ ბავშვზე.

  • ორგანიზაციის მონაცემებით, უკრაინელ ლტოლვილთა რიცხვი 7 მილიონს გადასცდა, მათგან თითქმის ნახევარი ბავშვია.