პირი, რომელმაც მცხეთაში რესტორანთან ავტომატიდან არაერთხელ გაისროლა, თავისუფალია. პროკურატურის შუამდგომლობით, მას 20 ათასი ლარი შეეფარდა.

რატომ არის მნიშვნელოვანი: საჯარო სივრცეში მსგავსი ქმედება, შესაძლოა, საფრთხისშემცველი იყოს ადამიანების ჯანმრთელობისა და სიცოცხლისთვის.

  • მას ბრალი იარაღის შეძენა/შენახვისთვის ჰქონდა წარდგენილი — ასეთმა სამართლებრივმა პასუხმა, შესაძლოა, მსგავსი ქმედებები წაახალისოს და დაუსჯელობის სინდრომის განცდა გააჩინოს.

დეტალები: ვიდეოში, რომელიც სოციალურ ქსელში გავრცელდა, რამდენიმე პირი ჩანდა.

  • მათგან ერთ-ერთი იარაღს ამზადებდა და აწვდიდა მეორეს. ის კი ჰაერში არაერთხელ ისვროდა და ამბობდა — "ჩვენს შვილებს გაუმარჯოს" — რასაც სხვები ოვაციებით ხვდებოდნენ.
  • პროკურატურამ კაცს ბრალი 12 ივნისს წარუდგინა.
  • ბრალდებულმა სასამართლოზე გირაოს თანხის 5 ათას ლარამდე შემცირება ითხოვა.