კულტურის მინისტრი, თეა წულუკიანი პრემიერმინისტრს ეთანხმება და აცხადებს, რომ შეიძლება, დადგეს ქვეყანაში იმის დრო, რომ ყველაფერი ითქვას ხმამაღლა. მისი თქმით, ყველაფრის თქმაში ის იგულისხმება, რომ სიმშვიდის და სტაბილურობის შენარჩუნება საქართველოს მთავრობისთვის რამდენიმე თვეა აღარ არის ძალიან ადვილი.

"იმისთვის რომ ნდობა შეინარჩუნოს, საქართველოს მთავრობა აკეთებს იმას, რაც სურს ქართველ ერს — ეს ქვეყანა მიჰყავს ევროპულ გზაზე და ინარჩუნებს ძალიან დიდი სირთულის ფასად მშვიდობას და სტაბილურობას ამ ქვეყანაში, რაც, მერწმუნეთ, ადვილი არ არის. როგორც საქართველოს პრემიერმინისტრის მიერ ითქვა, შეიძლება, დადგეს ჩვენს ქვეყანაში იმის დრო, რომ ყველაფერი ითქვას ხმამაღლა.

ყველაფრის თქმაში ვგულისხმობთ იმას, რომ სიმშვიდის, მშვიდობისა და სტაბილურობის შენარჩუნება საქართველოს მთავრობისთვის რამდენიმე თვეა აღარ არის ძალიან ადვილი. ადვილი არც არასდროს იყო, მაგრამ ახლა არის ძალიან გართულებული", — ამბობს ის.

პრემიერმინისტრ ირაკლი ღარიბაშვილის განცხადებით, თუ კანდიდატის სტატუსის მინიჭებაზე ევროკავშირის გადაწყვეტილება იქნება უსამართლო და შეურაცხმყოფელი, ის ყველაფერს ფარდას ახდის.