ქართული ოცნების დეპუტატის, ანრი ოხანაშვილის განცხადებით, სამარცხვინოა, სააკაშვილი-გვარამია ახსენო იმავე კონტექსტში, რა კონტექსტში უნდა ახსენო ივანიშვილ. ასე გამოეხმაურა ის პრეზიდენტ სალომე ზურაბიშვილის განცხადებას.

"სამარცხვინოა შეფასება, რომ თურმე კრიმინალი სააკაშვილი და სტრასბურგის მიერ არაერთხელ მხილებული სააკაშვილი-გვარამია უნდა ახსენო იმავე კონტექსტში, რა კონტექსტში უნდა ახსენო ბიძინა ივანიშვილი. სამარცხვინოა ერთ სიბრტყეში დაყენება კრიმინალების და იმ ადამიანის, რომელმაც ჩვენ ხალხს და ჩვენ ქვეყანას კრიმინალებისგან თავი დააღწევინა. ეს არის ფაქტების თავდაყირა დაყენება. კი ბატონო ჩამობრძანდეს პრეზიდენტი, მან უნდა ისაუბროს იმ საკითხებზე, რაზეც თვითონ უნდა ისაუბროს", — ამბობს ოხანაშვილი.

ზურაბიშვილის განცხადებით, არ მიაჩნია, რომ ვინმეს უნდა გადავყვეთ ევროინტეგრაციის პროცესის წინ წასვლაში — არც სააკაშვილს, არც გვარამიას და არც ბიძინა ივანიშვილს. მისი თქმით, არავინ არ არის იმის ფასი, რომ ჩვენი ბავშვების მომავალი არ დავიცვათ. მან აღნიშნა, რომ ამისთვის ბრუნდება საქართველოში, რათა დავიცვას ეს მომავალი.

ამ განცხადების შემდეგ, გაჩნდა მოლოდინი, რომ შესაძლებელი იყო ზურაბიშვილს მთავარი არხის გენერალური დირექტორი ნიკა გვარამია, ასევე ყოფილი პრეზიდენტი მიხეილ სააკაშვილი შეეწყანებინა. თუმცა მალევე დაწერა Facebook პოსტი, სადაც თქვა — "არა და არასოდეს! არავის არ ვიწყალებ! მორჩით სპეკულაციებს!".