ევროკავშირმა უკრაინისთვის ქვეყანაში მზარდი ჰუმანიტარული კრიზისის გამო დამატებით 205 მილიონი ევროს ჰუმანიტარული დამხარება გამოყო.

კრიზისის მართვის კომისარმა აღნიშნა, რომ ამ დაფინანსებით ჰუმანიტარული პარტნიორები უკრაინელებისთვის საკვების, წყლის, ჯანდაცვის, თავშესაფრისა და ფულადი დახმარების მიწოდებას უზრუნველყოფენ.

საბიუჯეტო და ადამიანური რესურსების საკითხებში ევროკომისიის სპიკერმა კი აღნიშნა, რომ ომის დაწყების დღიდან ევროკავშირმა უკრაინას 348 მილიონი ევროს ჰუმანიტარული დახმარება გაუწია. საიდანაც 13 მილიონი მოლდოვასთვის გამოიყო, რათა მათ ქვეყანაში ჩასული უკრაინელი დევნილების მხარდაჭერა უზრუნველყონ.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება მსოფლიოში