სტრატეგია აღმაშენებლის ლიდერის, გიორგი ვაშაძის განცხადებით, წყარომ მიაწოდა ინფორმაცია, რომ ქართული ოცნება მასზე ფიზიკურ თავდასხმას გეგმავს. დეპუტატი ამბობს, რომ "ამის ნიშნები" გუშინ პარლამენტში გაკეთებული განცხადებების შემდეგ იყო.

"არ ვიცი, სხდომათა დარბაზში გეგმავენ თუ გარეთ. ამის ნიშნები იყო გუშინ, განცხადებების შემდეგ და ზუსტი ინფორმაცია მაქვს, რომ ისინი აპირებენ ჩემს მიმართ ფიზიკურ ანგარიშსწორებას და დაავალეს საკუთარ ფრაქციაში იმ მოჭიდავე თუ გაუგებარ დეპუტატებს, რომელთა სახელი არავინ არ იცის, რომ რამენაირად პროვოკაცია მოაწყონ ამასთან მიმართებაში", — ამბობს ვაშაძე.

ამის საპასუხოდ, ქართული ოცნების დეპუტატმა, ალუდა ღუდუშარმა თქვა, რომ მმართველი პარტია ვაშაძის ცემას "არ აპირებს". მან ვაშაძეს "მშიშარა" და "მხდალი" უწოდა.

"ბუნებრივად არის ისეთი მშიშარა და მხდალი, რომ თუ ბრიფინგი არ ჩაატარა საკუთარ კოლეგებთან, სხდომათა დარბაზში ვერ ბედავს შემოსვლას. დიახ ასეთი დეპუტატიც არის ამ სხდომათა დარბაზში. ჩვენ არ გიპირებთ ბატონო გიორგი, ცემას ნამდვილად არ გიპირებთ. მაქსიმუმ თუ ვინმემ შეიძლება, რომ გცემოთ, გვერდით გიზით ბატონი მანჯგალაძე. მაგისი გეშინოდეთ, ჩვენ ცემას არ გიპირებთ. აი, ამ ტინგიცობაზე და შეურაცხყოფაზე გუშინ რაც თქვით, მე გიპასუხებთ შემდეგს — სად თქვენ და სად ჩვენ. შეეგუეთ, აი, ამ რეალობას", — თქვა ღუდუშაურმა.

გუშინ, 7 ივნისს პარლამენტის სხდომათა დარბაზში დეპუტატები ერთმანეთს სიტყვიერად დაუპირისპირდნენ. ხმაური მმართველი პარტიის თავმჯდომარის, ირაკლი კობახიძის განცხადებებს მოჰყვა.