უკრაინის პრეზიდენტის, ვოლოდიმირ ზელენსკის განაცხადა, უკრაინაში "მწამებელთა წიგნი" ამოქმედდება. მისი თქმით, მასში დოკუმენტირებული იქნება ომის დამნაშაულები.

"მომავალ კვირას იგეგმება სპეციალური "მწამებელთა წიგნის" ამოქმედება — საინფორმაციო სისტემა, რომელიც აგროვებს დადასტურებულ მონაცემებს ომის დამნაშავეებისა და კრიმინალების შესახებ რუსული არმიიდან. არაერთხელ ხაზგასმით აღვნიშნე, რომ ისინი ყველა პასუხს აგებენ და ჩვენ ამას ეტაპობრივად ვუახლოვდებით", — ამბობს ის.

როგორც ზელენსკიმ აღნიშნა, წიგნში არა მხოლოდ დანაშაულის უშუალო ჩამდენები შევლენ, არამედ ისინიც, ვინც ბრძანება გასცა.

"მწამებელთა წიგნი" არის ერთ-ერთი საფუძველი არა მხოლოდ ომის დანაშაულების უშუალო ჩამდენთა — საოკუპაციო ჯარის სამხედროებისთვი, არამედ მათი მეთაურების პასუხისმგებლობის, ვინც ბრძანებები გასცა. მათ, ვინც შესაძლებელი გახადა ყველაფერი, რაც გააკეთეს უკრაინაში — ბუჩაში, მარიუპოლში, ყველა ჩვენს ქალაქში, ყველა თემში, სადაც მათ მიაღწიეს", — ისაუბრა ზელენსკიმ.

26 მაისს უკრაინის გენერალური პროკურორმა, ირინა ვენედიქტოვამ თქვა, რომ უკრაინა 14 000-მდე სავარაუდო სამხედრო დანაშაულს იძიებს.

პირველ რუს სამხედროს, რომელიც უკრაინაში ჩადენილი დანაშაულის გამო გაასამართლეს, სამუდამო პატიმრობა მიუსაჯეს.