რუსეთის დუმამ მიიღო კანონი, რომლის თანახმადაც მოსკოვი სტრასბურგის სასამართლოს მიერ მიღებულ გადაწყვეტილებებს აღარ განახორციელებს. ამის შესახებ ინფორმაციას BBC ავრცელებს.

მედიის ცნობით, დღეს რუსეთის პარლამენტმა ორ კანონპროექტს დაუჭირა მხარი — ერთი ადამიანის უფლებათა სასამართლოს დატოვებას გულისხმობს, ხოლო მეორეს თანახმად, 15 მარტია ის თარიღი, რომლის შემდეგაც რუსეთის წინააღმდეგ სტრასბურგის მიერ მიღებული გადაწყვეტილებები არ შესრულდება.

16 მარტს ევროპის საბჭოს საპარლამენტო ასამბლეამ რუსეთის გარიცხვას მხარი ერთხმად დაუჭირა. მომხრე იყო 216, ხოლო არცერთი წინააღმდეგი. თავი შეიკავა — 3-მა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.