"არ მესმის, რას ნიშნავს რუსეთის დამცირება? რაზე ვლაპარაკობთ?", — ასე ეხმაურება უკრაინის პრეზიდენტი, ვოლოდიმირ ზელენსკი ფრანგ კოლეგას, ემანუელ მაკრონს, რომელმაც განაცხადა, რომ "რუსეთი არ უნდა დავამციროთ".

"ემანუელი ამ პროცესში ღრმად არის გათვიცნობიერებული, როგორც ნორმანდიული ოთხეულის ერთ-ერთი ლიდერმა, კარგად იცის მინსკის დოკუმენტის დეტალები [...] საერთოდ არ მგონია, რომ ისინი უკრაინას ამცირებენ, ეს სუსტი პოზიცია იქნებოდა. ჩვენ არავინ გვამცირებს, ისინი ჩვენ გვკლავენ. ამიტომ, ჩვენ არ ვაპირებთ საპასუხოდ ვინმეს დამცირებას, იმავეთი ვუპასუხებთ", — აღნიშნა მან FT-თან ინტერვიუში.

4 ივნისს საფრანგეთის პრეზიდენტმა, ემანუელ მაკრონმა თქვა, რომ პუტინის ისტორიული შეცდომის მიუხედავად, რუსეთი არ უნდა დამცირდეს. მისი თქმით, სასიცოცხლოდ მნიშვნელოვანია, რომ უკრაინაში ომის შეწყვეტის დიპლომატიური გამოსავალი მოიძებნოს და დასძენს, რომ სჯერა, კონფლიქტის დასასრულებლად შუამავლის როლს პარიზი შეასრულებს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.