კიევის რეგიონის ეროვნული პოლიციის განცხადებით, რუსმა ოკუპანტებმა დონეცკის ოლქში მდებარე ქალაქი ლიმანი მთლიანად გაანადგურეს. ლიმანის მერის თქმით, ქალაქი სრულადაა ოკუპირებული. გამორთულია გაზი, წყალი და შუქი.

"ლიმანში დაახლოებით 7 500 ადამიანი მცხოვრებია. მათი ევაკუაცია ჯერჯერობით შეუძლებელია", — განაცხადა მან.

სევეროდონეცკში ახლა მთავარი ბრძოლები მიმდინარეობს. როგორც ლუგანსკის ოლქის ადმინისტრაციის ხელმძღვანელმა, სერგეი გაიდაიმ თქვა, ოკუპანტები სევეროდონეცკის 80%-ს აკონტროლებენ. მისი თქმით, გრძელდება ქუჩებში ბრძოლები.

3 ივნისს ვოლოდიმირ ზელენსკიმ განაცხადა, რომ უკრაინას სევეროდონეცკში გამართულ ბრძოლებში გარკვეული წარმატებები აქვს.