უკრაინის საგარეო საქმეთა მინისტრის, დმიტრო კულებას განცხადებით, რუსეთის დამცირების თავიდან არიდებაზე საუბარი ისევ იმ ქვეყნებს ამცირებს, ვინც ამას მოითხოვს. ასე ეხმაურება ის საფრანგეთის პრეზიდენტის, ემანუელ მაკრონის განცხადებას.

"მოწოდებებს რუსეთის დამცირების თავიდან არიდებაზე მხოლოდ საფრანგეთისა და ყველა იმ ქვეყნის დამცირება შეუძლია, რომელიც ამას მოითხოვს. იმიტომ, რომ რუსეთი, იმცირებს საკუთარ თავს. ყველამ ჯობია ყურადღება იმაზე გავამახვილოთ, თუ როგორ მივუჩინოთ რუსეთს თავისი ადგილი. ეს მოიტანს მშვიდობასა და გადაარჩენს ბევრ სიცოცხლეს", — წერს კულება.

დღეს, 4 ივნისს მაკრონმა განაცხადა, რომ პუტინის ისტორიული შეცდომის მიუხედავად, რუსეთი არ უნდა დამცირდეს.