განათლების სამინისტროს ინფორმაციით, საქართველო, რუმინეთთან ერთად, 2023 წელს 21 წლამდე ფეხბურთელთა ევროპის ჩემპიონატს უმასპინძლებს. უწყების ცნობით, აღნიშნული გადაწყვეტილება ევროპული ფეხბურთის მმართველმა ორგანომ 3 დეკემბერს გამართულ აღმასრულებელი კომიტეტის სხდომაზე მიიღო. ევროპის 24-ე ჩემპიონატის ფინალური მატჩი ბათუმში, ახლადაშენებულ არენაზე გაიმართება.

ევროპის ჩემპიონატზე 16 ევროპული ნაკრები ითამაშებს. საქართველოში ორი ჯგუფის მატჩები — თბილისში, ბათუმსა და ფოთში ჩატარდება.

განათლების მინისტრ მიხეილ ჩხენკელის განცხადებით, ეს ქართული სპორტის კიდევ ერთი დიდი გამარჯვება და აღიარებაა საერთაშორისო სარბიელზე.