ინფექციური საავადმყოფოს დირექტორი, თენგიზ ცერცვაძე ჯანდაცვის სექტორისადმი მოქალაქეების კრიტიკას გადატვირთვასა და ადამიანების არასაკმარის რაოდენობას უკავშირებს. ცერცვაძის თქმით, ჯანდაცვის სისტემა გადაიტვირთა და აცხადებს, რომ მას კოვიდინფიცირებულების რიცხვის მატების შემდეგ გაჩნდა სხვადასხვა სახის პრობლემები.

"საქართველო თავის სერიოზულ წარმატებას მკურნალობისა და გარდაცვლილთა დაბალი რიცხვის კუთხით აღწევდა სწორედ კარგი მოვლის ხარჯზე. როდესაც სამედიცინო პერსონალი თავს ევლებოდა პაციენტებს, ასეთი საჩივრები არ იყო. ახლა ამან იმატა, ალბათ, ამას აქვს საფუძველი. ჩვენ ვცდილობთ ჩვენი ხელმისაწვდომი რესურსებით, რომ ეს არ დავუშვათ. საფუძველი ერთადერთია — გადატვირთვა და არასაკმარისი რაოდენობა ადამიანების," — განაცხადა ცერცვაძემ რუსთავი 2-თან.

მოქალაქეები ხშირად ჩივიან, რომ სასწრაფო დახმარების გამოძახება უჭირთ და 112-თან დაკავშირებას უშედეგოდ ცდილობენ. უყურადღებობაზე საუბრობენ საავადმყოფოში მყოფი პაციენტებიც.