აზერბაიჯანში საქართველოს ელჩის, ზურაბ პატარაძის განცხადებით, აზერბაიჯანმა საქართველოს 100 ტონა თხევადი სამედიცინო ჟანგბადი უსასყიდლოდ გამოუყო. მისივე თქმით, ჰუმანიტარული ტვირთის ნაწილი საქართველოში უკვე შემოიტანეს და ის ქვეყნის სხვადასხვა კლინიკაში განაწილდება.

საქართველოს საელჩო აზერბაიჯანში მადლობას უხდის აზერბაიჯანულ კომპანია Baku steel-ს, რომელმაც საქართველოს კოვიდ-კლინიკებს 100 ტონა თხევადი სამედიცინო ჟანგბადი უსასყიდლოდ გადასცა. საელჩოს ინფორმაციით, ამავე კომპანიამ, აღნიშნული ტვირთის საქართველოში ტრანსპორტირება თავისი ხარჯებით უზრუნველყო.

ეკონომიკის მინისტრი, ნათია თურნავა გუშინ, 30 ნოემბერს განაცხადა, რომ პანდემიის დაწყებისთანავე და განსაკუთრებით, შემოდგომაზე სამედიცინო ჟანგბადის მოხმარება დაწესებულებების მიერ სამჯერ გაიზარდა. ამიტომ, მისი თქმით, ეკონომიკის სამინისტრო საქართველოში სამედიცინო ჟანგბადის წარმოების გაზრდისა და მარაგის შექმნაში ჩართვებოდა.

"ოპერატიულად, შევიძინიეთ თურქეთში 10 ახალი ჟანგბადის დიდი გენერატორი, თითო აწარმოებს დღეში 1 ტონა ჟანგბადს. აქედან, ორი ჩამოვიდა და დამონტაჟდა რუხის კლინიკაში, სადაც ეს პრობლემა პრაქტიკულად გადაჭრილია", — განმარტავდა თურნავა.

ის, ასევე, ამბობდა, რომ თურქეთიდან კიდევ 6 დანადგარის ჩამოსვლას 17 დეკემბერს ელოდებიან. აქედან, 3 დამონტაჟდება ბათუმის რესპუბლიკურში, ხოლო 3 — თბილისში. თურნავას თქმით, დარჩენილ დანადგარებს კი ჯანდაცვის სამინისტროსთან შეთანხმებით გადაანაწილებენ.