თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, მსახიობ კახი კავსაძის ჯანმრთელობის მდგომარეობა შედარებით სტაბილურია.

"ბატონი კახი შემოვიდა რამდენიმე დღის წინ, კლინიკურად სახეზე იყო გემორაგიული შოკი და დადასტურებული კოვიდინფექცია. ამ ეტაპზე, მისი მდგოამრეობა შედარებით სტაბილურია. წნევის მხრივ დადებითი დინამიკითაა, ასევე, დადებითი დინამიკა გამოიხატება სუნთქვის პარამეტრების მხრივ. ვიმედოვნებ, რომ ჩატარებული მკურნალბის შედეგად მისი მდგომარეობა გაუმჯობესდება", — განაცხადა რატიანმა აჭარის ტელევიზიის ეთერში.

კახი კავსაძე პირველ საუნივერსიტეტო კლინიკაში 28 ნოემბერს დააწვინეს. იგი მართვით სუნთქვაზე იმყოფებოდა. 29 ნოემბერს კი ცნობილი გახდა, რომ მსახიობს კორონავირუსი დაუდასტურდა.