პროკურატურის ინფორმაციით, თბილისის საქალაქო სასამართლომ აღკვეთის ღონისძიების სახით პატიმრობა შეუფარდა პირს, რომელიც ორ არასრულწლოვან შვილს ქუჩაში მოწყალების თხოვნასა და წვრილმანი ნივთების გაყიდვას აიძულებდა. პირი დაკავებულია შრომითი ექსპლუატაციის ბრალდებით.

პროკურატურის ცნობით, შსს-მ ჩაატარა გამოძიება, რომლითაც დადგინდა, რომ ბრალდებულმა შეიმუშავა არასრულწლოვნებით ვაჭრობის გეგმა. უწყების ცნობით, პირი შვილებზე ფსიქოლოგიური და ფიზიკური ძალადობითა და მუქარით აიძულებდა, თბილისის უბნებში ევლოთ, ფული შეეგროვებინათ და მისთვის ყოველდღიურად 20 ლარი მიეტანათ.

პროკურატურის ინფორმაციით, საქმეზე გამოძიება საქართველოს სისხლის სამართლის კოდექსის 1432 მუხლის მე-2 ნაწილის „ბ“ და მე-3 ნაწილის „ბ“,“გ“ და „ე“ ქვეპუნქტებით მიმდინარეობს, რაც გულისხმობს ორი ან მეტი არასრულწლოვნის მიმართ იძულებით, შანტაჟით ან მოტყუებით, სიცოცხლისთვის ან ჯანმრთელობისთვის საშიში ძალადობით ანდა ასეთი ძალადობის გამოყენების მუქარით არასრულწლოვნით ვაჭრობას (ტრეფიკინგს), რომელიც ხორციელდება დამნაშავისთვის წინასწარი შეცნობით უმწეო მდგომარეობაში მყოფის ან დამნაშავეზე მატერიალურად, ანდა სხვაგვარად დამოკიდებულის მიმართ.

უწყების განცხადებით, სისხლის სამართლის საქმეზე გამოძიება გრძელდება.