დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ეკონომიკის მინისტრის, ნათია თურნავას თქმით, ეკონომიკის სამინისტრო საქართველოში სამედიცინო ჟანგბადის წარმოების გაზრდის და მარაგის შესაქმნელად ჩაერთო.

"პანდემიის დაწყებისთანავე და განსაკუთრებით, შემოდგომაზე, 3-ჯერ გაზრდილია სამედიცინო ჟანგბადის მოხმარება დაწესებულებების მიერ. კერძოდ, დღეში 80 ტონას აჭარბებს მისი მოხმარება, რაც ჩვეულებრივ დროს 3-ჯერ აღემატება", — განაცხადა თურნავამ.

მისი თქმით, მუშაობენ, რომ არ შეიქმნას არანაირი დეფიციტი ამ კუთხით. თურნავას მტკიცებით, პრობლემა სამედიცინო ჟანგბადის მომარაგების მხრივ, არ შეიქმნება.

"ოპერატიულად, შევიძინიეთ თურქეთში 10 ახალი ჟანგბადის დიდი გენერატორი, თითო აწარმოებს დღეში 1 ტონა ჟანგბადს. აქედან, ორი ჩამოვიდა და დამონტაჟდა რუხის კლინიკაში, სადაც ეს პრობლემა პრაქტიკულად გადაჭრილია. 17 დეკემბერს ველოდებით, რომ კიდევ 6 დანადგარი ჩამოვა თურქეთიდან. 3 დამონტაჟდება ბათუმის რესპუბლიკურში, ხოლო 3 — თბილისში. დარჩენილი დანადგარები, როცა ჩამოვა, ჯანდაცვის სამინისტროსთან შეთანხმებით გადავანაწილებთ", — განმარტა თურნავამ.

30 ნოემბრის მონაცემებით, ბოლო 24 საათის განმავლობაში კორონავირუსის 3 216 ახალი შემთხვევა დადასტურდა. გამოჯანმრთელდა — 3 937, ხოლო გარდაიცვალა — 37.

საქართველოში მძიმე პაციენტის რაოდენობაა 1 038-ს შეადგენს.. მათ შორის, თბილისში — 488, აჭარაში —165, იმერეთში — 217. აქედან, ხელოვნური სუნთქვის აპარატზე იმყოფება 466 პირი, მათგან, თბილისში — 221, აჭარაში — 122, იმერეთში — 39.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: