დაავადებათა კონტროლის ეროვნული ცენტრის დირექტორის ამირან გამყრელიძის თქმით, ქვეყანამ უკეთესად გაუძლო იმ დატვირთვას რაც პანდემიას ახლავს ვიდრე ეს იყო 90-იან წლებში. ამის შესახებ მან TV პირველის ეთერში განაცხადა.

"ქვეყანა უკეთესად მზად არის ვიდრე ოდესმე ყოფილა, იგივე 90-იანებში, ამ საუკუნის დასაწყისში, პირველ ათწლეულში, მეორე ათწლეულში. მე არ მეგონა ჩვენ ამ ტიპის დატვირთვას ამ ხნის განმავლობაში თუ გავუძლებდით. თვე ნახევარია ზრდა მიდის ინფიცირებულების ხო? ყოველთვის შეიძლება ვთქვათ რომ უკეთ შეიძლებოდა გაკეთებულიყო, ბევრი რამე გაკეთდა, გეთანხმებით ბევრი რამ ვერ გაკეთდა", — განაცხადა გამყრელიძემ.

27 ნოემბრის მონაცემებით, საქართველოში კორონავირუსის კიდევ 4 780 ახალი შემთხვევა გამოვლინდა. ამასთან, გარდაიცვალა კიდევ 37 ადამიანი. 3 489 პაციენტი გამოჯანმრთელდა.

პანდემიის დაწყების დღიდან სულ ქვეყანაში 123 470 შემთხვევა დადასტურდა, აქედან 102 270 ადამიანი უკვე გამოჯანმრთელდა, ხოლო გარდაიცვალა — 1 161.