განათების მინისტრის, მიხეილ ჩხენკელის განცხადებით, დიდ ქალაქებში, მედიცინის აკადემიური პროგრამების გარდა, უნივერსიტეტები სრულად დისტანციურ რეჟიმზე გადავლენ. დისტანციურ რეჟიმზე გადადიან პროფესიული სასწავლებლებიც.

"სიტუაციიდან გამომდინარე, მედიცინის მიმართულება, ეს სტარტეგიული პრიორიტეტია ქვეყნისთვის. შესაბამისად, უნივერსიტეტბს ექნებათ იმის უფლება, რომ ამ პროგრამებზე პრაქტიკული და ლაბორატორიული მეცადინეობები ჩაატარონ არადისტანციურად", — განაცხადა ჩხენკელმა.

დღეს, 26 ნოემბერს, საკოორდინაციო საბჭოს დასრულების შემდეგ, განათლების მინისტრმა, ასევე განაცხადა, რომ როგორც კერძო, ისე საჯარო, საბავშვო ბაღებისა და სკოლების მუშაობა დისტანციურ ფორმატში გაგრძელდება.

საკოორდინაციო საბჭომ 28 ნოემბრიდან 31 იანვრამდე პერიოდში არაერთი შეზღუდვა დააწესა. მათ შორის, გადაადგილებაზე, მუნიციპალურ და საქალაქთაშორისო ტრანსპორტზე, რესტორნებსა და ბაზრობებზე. 24 დეკემბრიდან 2 იანვრის პერიოდში ხდება შეზღუდვების ნაწილობრივი შემსუბუქება: კერძოდ, ქვეყნის მასშტაბით, იმუშავებენ სავაჭრო ცენტრები, ღია და დახურული ბაზრობები და აღდგება როგორც მუნიციპალური, ისე საქალაქთაშორისო ტრანსპორტის მუშაობა. 3 იანვრიდან 15 იანვრამდე პერიოდში აღდგება ყველა ის შეზღუდვა რომელიც 24 დეკემბრამდე მოქმედებდა. ამ პერიოდში ცხადდება უქმე, დასვენების დღეები, ხოლო 16 იანვრიდან აღდგება მუნიციპალური და საქალაქთაშორისო ტრანსპორტის მუშაობა, სავაჭრო ობიექტებისა და ღია და დახურული ბაზრობების მუშაობა (გარდა შაბათ-კვირისა).

გაიგეთ მეტი ახალ შეღუდვებზე:

26 ნოემბრის მონაცემებით, საქართველოში კორონავირუსის კიდევ 3 801 ახალი შემთხვევა გამოვლინდა. გარდაიცვალა 39 და გამოჯანმრთელდა 3 200 პაციენტი. პანდემიის დაწყების დღიდან ქვეყანაში სულ 118 690 შემთხვევა დადასტურდა, აქედან 98 781 ადამიანი გამოჯანმრთელდა, ხოლო 1 124 — გარდაიცვალა.

ეპიდემიოლოგები და სამთავრობო გუნდის წევრები ამბობდნენ, რომ ვირუსის პრევენციისთვის შეზღუდვები აუცილებელია, თუმცა სრული "ლოქდაუნი" ქვეყნის ეკონომიკას დააზარალებს, ამიტომ ეტაპობრივად, წერტილოვანი შეზღუდვები დაწესდება.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: