დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის თქმით, რა შეზღუდვებს უნდა ველოდოთ უახლოეს დღეებში, სავარაუდოდ, ხვალ გამოცხადდება. აღნიშნულის შესახემ იმნაძემ რუსთავი 2-ის ეთერში განაცხადა.

"ბევრი ვარიანტი იყო განხილული და ჯერჯერობით კონსულტაციები კიდევ გრძელდება. ჩვენი კოლეგები იყვნენ ჩართული, ჩვენი თანამემამულეები ნორვეგიიდან, ამერიკიდან, შვეიცარიიდან, აქაური, ასე ვთქვათ, ჩვენი ექსპერტები და განიხილებოდა საკმაოდ ბევრი სხვადასხვა კომბინაცია, სხვადასხვა დროის, სხვადასხვა ინტენსივობის. ყველაფერი ეს კონსულტაციები კიდევ გაგრძელდება და გამოცხადდება, ალბათ, ხვალ", — განაცხადა იმნაძემ.

ვიცე-პრემიერმა, მაია ცქტიშვილმა დღეს საკოორდინაციო საბჭოს დასრულების შემდეგ გამართულ ბრიფინგზე განაცხადა, რომ დამატებითი შესაძლო შეზღუდვები მობილობის შემცირებისკენ არის მიმართული.

ცქიტიშვილის განმარტებით, ეს ერთი მხრივ, შეიძლება იყოს გადაადგილების შეზღუდვის საათების გაზრდა, მეორე მხრივ, წერტილოვანი შეზღუდვები კონკრეტული სამუშაო დღეების, ან არასამუშაო დღეების განმავლობაში გარკვეულ სავაჭრო ობიექტების შეჩერებასთან დაკავშირებით.